Island Vibration, enn parmi bann meyer benn dan Sesel, pe selebre 20-an zot legzistans.
Pour mark sa lokazyon, Island Vibration i envit ou pour en spektak ek bal kot ansyen Lotel Reef Hotel Sanmdi le 2 Desanm aparti 9er diswar.
Kree le 15 Zanvye, 1997, Island Vibration ki sorti direkteman Praslin in fer en kantite sikse avek zot bann sanson ritme parmi ‘Zis Ou’, ‘Lanmen Anler’, ‘Divan Soufle’parmi plizyer lezot ankor.
Bann manm group Island Vibration i Hank Didon, BertenTelemaque, Tony Accouche, Jerry Bastienne, Hendrick Volcère ek Danny Confiance.
Pandan spektak Sanmdi pou osi annan plizyer artis popiler ki pout met ou dan sa laganm parmi Joseph Sinon, Philip Toussaint, Jahrimba, Reuben, Aubrey, Mike Cedras, Antoinette, Aron ek larenn komedi Verna konman MC.
Tiket i anvant kot Ayan, Mann Island Vibration, NAC, Tanmi Shop ek kot Dam’s pour selman R250.
Pa mank sa gran spektak pour termin lannen 2017 an splander avek enn bann meyer benn dan Sesel Island Vibration!
Source : Seychelles NATION